Bakıda parkda yanğın
12.07.2021 - 18:59
Fövqəladə Hallar Nazirliyinin (FHN) “112” qaynar telefon xəttinə Bakı şəhərinin Nərimanov rayonu ərazisində yerləşən parkda yanğın olması barədə məlumat daxil olub.
FHN-dən verilən məlumata görə, dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb olunub.
Yanğınsöndürənlərin çevik müdaxiləsi nəticəsində yanğının genişlənməsinin qarşısı alınıb, yanğın saat 17:20-də söndürülüb.
İlkin məlumata əsasən, təqribən 150 m² sahədə quru ot və kol-kos yanıb.
Short URL: http://www.cumhuriyyet.net/?p=165039
