İki kəndin ərazisinə su doldu: sakinlər təxliyə olundu
Yuxarı Qarabağ kanalının Bərdə rayon ərazisindən keçən hissəsində yarılma baş verib.
Cumhuriyyet.net Report-a istinadən xəbər verir ki, hadisə kanalın Ərəblər və Qaraqoyunlu kəndləri ərazisindən keçən hissəsində baş verib.
Kanaldan təzyiqlə keçən su həmin kəndlərin bir hissəsinə dolub.
Əraziyə Fövqəladə Hallar Nazirliyinin (FHN) əməkdaşları cəlb edilib.
Hazırda su basmasının qarşısının alınması üçün müvafiq işlər aparılır.
***
Bərdə rayonunun Qaraqoyunlu kəndində subasma zamanı köməksiz qalan sakinlər təxliyə olunub.
Yuxarı Qarabağ kanalının daşması nəticəsində Ərəblər və Qaraqoyunlu kəndləri su altında qalıb. FHN-in Qarabağ Regional Mərkəzinin Xüsusi Riskli xilasetmə hissəsinin əməkdaşları Qaraqoyunlu kəndində su dolan evlərdə köməksiz qalan sakinləri təxliyə ediblər.
Hazırda kənddə xilasetmə işləri davam etdirilir.
Short URL: http://www.cumhuriyyet.net/?p=194061