Döyülən müğənninin 3 min borcu var: ” Döyüblər, yaxşı ediblər, o, hələ çox döyülməlidir”

Moskvada döyülən azərbaycanlı müğənni Vüqar Muradov barədə yeni iddia açıqlanıb. Bununla bağlı lent.az-a açıqlama verən müğənni Səidə Dadaşovanın keçmiş həyat yoldaşı Səlçuk Gökgöz deyib ki, V.Muradov ona 3 min dollar pul borcludur: “Döyüblər, yaxşı eləyiblər. Biz 2011-ci ildə Bakıya köçən zaman maşın lazım oldu. Keçmiş həyat yoldaşım Səidə də dedi ki, Vüqarda “Jeep” markalı maşın var. Vüqar gəldi, maşına baxdıq. Baxandan sonra dedim ki, 4 təkəri yararsızdır və bir neçə yeri də dəyişilməlidir. O da mənə cavabında dedi ki, “Qardaşım, narahat olma, mən hamısını alacam”. Mən də razılıq verdim, 10 min dollar verib maşını aldıq. Sonradan elə oldu ki, o maşının ehtiyat hissələrini mən aldım. Bu da 3 min dollar elədi. Amma o gündən bu günə kimi mənim pulumu qaytarmır. Məni aldatdı. O hələ çox döyülməlidir. Çünki pis xarakteri var. Sürücülük vəsiqəsi də yoxdur, sərxoş maşın sürür”.

Qeyd edək ki, “Yeni ulduz” yarışmasının iştirakçısı olan V.Muradovu bir neçə gün öncə 1000 AZN beh müqabilində Moskvaya toya dəvət ediblər. Lakin müğənni Moskvada əsl “sürpriz”lə rastlaşıb. Belə ki, naməlum şəxslər onu Moskvada hava limanında qarşılayaraq, meşəyə aparıb, orada soyundurub, döyüblər. Bütün bunları isə videoya çəkiblər.

Short URL: http://www.cumhuriyyet.net/?p=19787