Erməni azərbaycanlını bıçaqla ürəyindən vurub öldürdü

Yaltada erməni öz həmyerlisinə qarşı etdiyi oğurluğa görə onu qınayan azərbaycanlını qətlə yetirib.

Cinayət şəhərin mərkəzi küçələrindən birində yerləşən “Puşkinski” bazarında törədilib. Bu barədə APA-ya Krımın azərbaycanlı icmasının rəhbəri Rəhim Hümbətov bildirib.

Ürək nahiyəsinə endirilən bıçaq yarasından vəfat edən 1988-ci il təvəllüdlü Mehdiyev Rahil Əbdülrəhman oğlu Zərdab rayonunun Məmmədqasımlı kəndinin sakini olub.

Hadisə şahidlərinin sözlərinə görə, azərbaycanlı bazarda erməninin öz həmyerlisindən 0,5 kiloqram çiyələk oğurladığını görüb və onu oğurluğa görə məzəmmət etməyə başlayıb. “Bu səbəbdən onların arasında mübahisə baş verib. Mübahisəyə R.Mehdiyev müdaxilə edib. Ərazidən uzaqlaşan erməni az sonra hadisə yerinə bıçaqla silahlanmış üç həmyerlisi ilə dönüb. Onlardan biri dava zamanı bıçağı Rahilin ürəyinə sancıb. Ermənilər hadisə yerindən qaçarkən azərbaycanlının üzərindən qızıl boyunbağını və digər qiymətli əşyaları götürüblər”, deyə hadisə şahidləri bildiriblər. Rahil Mehdiyev aldığı bıçaq yarasından hadisə yerində keçinib. “Müstəntiqin arayışında qeyd olunub ki, Mehdiyev kəsilmiş-deşilmiş bıçaq yaralarından vəfat edib. Hazırda faktla bağlı CM-nin 105-ci maddəsi üzrə cinayət işi başlanıb. İş üzrə 15 il həbs cəzası nəzərdə tutulub”, deyə Rəhim Hümbətov bildirib.

Short URL: http://www.cumhuriyyet.net/?p=28282