Sensasiya: məhkəmə oliqarxa 4 ay həbs verdi, o isə azadlıqdadır

20.08.2015 - 22:12

rrBundan əvvəl xəbər verdiyimiz kimi, adı Beynəlxalq Bank ətrafındakı kredit qalmaqalında keçən “Globus Plaza”nın sahibi, sabiq deputat Dünyamin Xəlilov bu il mayın əvvəllərində axtarışa verilmişdi. Daha sonra DİN əməkdaşları oliqarxı saxlamış, onun şirkətinin ofisində axtarış aparmış və şirkətin kassalarını möhürləyərək bağlamışdılar. “Globus Plaza”nın mühasibləri də DİN Mütəşəkkil Cinayətkarlığa Qarşı Mübarizə Baş İdarəsində (“Bandotdel”) sorğu-sual olunmuşdular.

Bu gün isə virtualaz.org saytına hüquq-mühafizə orqanlarındakı məlumatlı mənbələrdən Dünyamin Xəlilovun işi üzrə şok effekti yaradacaq sensasion məlumatlar daxil olub.

Həmin informasiyalardan məlum olur ki, Nərimanov Rayon Məhkəməsi bu il mayın 15-də vətəndaş Dünyamin Xəlilov barəsində 4 ay müddətinə həbs-qətimkan tədbiri seçib. Həmin prosesə hakim Turqay Hüseynov sədrlik edib. Dünyamin Xəlilovun işi Nərimanov Rayon Məhkəməsində 4/005 – 485/215 nömrəsi ilə qeydiyyatdan keçib.

Burada işin ən maraqlı tərəfi odur ki, sözügedən məhkəmə qərarı bu günə qədər də qüvvəsində qalır. Yəni Nərimanov Rayon Məhkəməsinin qərarına görə, oliqarx hal-hazırda istintaq təcridxanasında olmalıdır. Lakin D.Xəlilov nəyə görəsə hələ də öz kabinetində oturub və çoxmilyonluq kreditlərinin qaytarılması problemini həll etməklə məşğuldur.

Virtualaz.org saytı onu da aydınlaşdırıb ki, Apelyasiya Məhkəməsi Nərimanov Rayon Məhkəməsinin Beynəlxalq Bankın müflisləşməsi qalmaqalına birbaşa aidiyyəti olan vurulmuş oliqarx barəsindəki həbs-qətimkan tədbiri qərarını hələ də ləğv etməyib. İşin sensasiya sayılacaq tərəfi də elə budur…

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=29853

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2023
BE ÇA Ç CA C Ş B
 12345
6789101112
13141516171819
20212223242526
2728