Güclü külək Qubanı işıqsız qoydu
19.01.2016 - 10:49
Ötən gün axşam saatlarından başlayaraq, davam edən güclü külək Quba rayonunda bir sıra fəsadlar törədib.
Ən böyük ziyan rayonun elektrik təsərrüfatına dəyib. Quba rayon İcra Hakimiyyətinin Fövqəladə Hallar Komissiyasının sədri Yusif Abidovun APA-nın yerli bürosuna verdiyi məlumata görə, hazırda rayonun 50 faizinə elektrik enerjisinin verilişi dayandırılıb.
O bildirib ki, dəyən ziyanın aradan qaldırılması və əhalinin fasiləsiz elektrik enerjisi ilə təmin olunması istiqamətində işlər görülür.
Short URL: http://www.cumhuriyyet.net/?p=49175
