Polis REAL Məclisinin Sumqayıtda tədbir keçirməsinə əngəl oldu – Sədr polis idarəsinə çağrıldı
REAL Hərəkatının Sumqayıt El Məclis sədri Hafiz Babalı Sumqayıt Şəhər Polis İdarəsinə çağrılıb.
Hafiz Babalını Sumqayıt Şəhər Polis İdarəsinin rəis müavini Süleyman Nemətov qəbul edib.
Hafiz Babalı bu haqda Cümhuriyyət.az saytına bildirib ki, Sumqayıt Şəhər Polis İdarəsinə çağrılmasına səbəb kimi REAL Hərəkatının Sumqayıt El Məclisinin bazar günü təşkil edəcəyi tədbir göstərilib. Tədbirin təhlükəsizliyi əsas gətirilərək keçirilməməsi tələb olunub. Sonda Hafiz Babalıdan izahat alınaraq sərbəst buraxılıb.
Məsələnin siyası çalarlı olduğu istisna edilmir.
Qeyd edək ki, bu REAL Hərəkatının Sumqayıt El Məclisinin sədrinin ilk saxlanılması faktı deyil. Hafiz Babalı ötən ilin may ayında 2 nəfərin şikayəti əsasında zorla onlara Real Hərəkatını təbliğ edən broşurlar verdiyi ittihamı ilə polis tərəfindən saxlanılmışdı. Lakin məhkəmə ittihamları əsassız olması səbəbindən rədd etmişdi.
Short URL: http://www.cumhuriyyet.net/?p=50265