Bakıda sərnişin avtobusu qəzaya uğradı: Ölən var
18.03.2016 - 14:02
179 nömrəli avtobusla minik avtomobili toqquşub.
Bu gün Bakı şəhəri, Pirşağa qəsəbəsində ölümlə nəticələnən yol qəzası baş verib. İnterAz-ın hadisə yerində olan müxbirinin sözlərinə görə, 179 nömrəli avtobusla minik avtomobili toqquşub.
Qəza nəticəsində sürücü Allahverdi hadisə yerindəcə dünyasını dəyişib. Minik avtomobilində olan sərnişin gənc qadın isə başından xəsarət alıb. Daha sonra hadisə yerinə təcili tibbi yardım maşını gəlib və xəsarət alan xanıma ilk yardım göstərilib.
Avtobusda olan sərnişinlər arasında xəsarət alan olmayıb.
Hadisənin baş verməsinin səbəbləri araşdırılır.
Short URL: http://www.cumhuriyyet.net/?p=58220
