Ermənilər Tərtərdə kombaynı atəşə tutdular
17.06.2016 - 13:51
Təmas xəttində – Tərtər rayonunda kombayn ermənilərin atəşinə məruz qalıb.
ANS PRESS-in məlumatına görə, hadisə rayonun cəbhə xəttinə yaxın yerləşən Yuxarı Qaradağlı kəndi ərazisində baş verib.
Kombayn kənd ərazisində əkin sahələrində taxıl biçərkən qarşı tərəfdən atəşə tutulub. Gülləbaran nəticəsində kənd təsərrüfatı texnikasına ziyan dəysə də, kombaynı idarə edən Qapanlı kənd sakini Elbrus Tanrıverdiyev xəsarət almadan xilas ola bilib.
Xatırladaq ki, Müdafiə Nazirliyinin bu gün yaydığı məlumata görə, erməni silahlı bölmələri cəbhənin müxtəlif istiqamətlərində sutka ərzində atəşkəs rejimini ümumilikdə 23 dəfə pozub.
Qarşı tərəf Azərbaycan ordusunun cavab atəşindən sonra susdurulub.
Short URL: http://www.cumhuriyyet.net/?p=67378
