Füzulidə ölümcül döyülən əsgər hospitalda öldü
Əsgər yoldaşları tərəfindən döyülərək, hospitala yerləşdirilən əsgər Tamerlan Əsədzadə dünyasını dəyişib.
Bu barədə atası Kamil Əsədov ağlaya-ağlaya bildirib.
***
Füzulidə N saylı hərbi hissədə əsgər döyülüb. Tamerlan Kamil oğlu Əsədzadə tərxis olunmasına 7 gün qalmış əsgər yoldaşlarından biri tərəfindən hücuma məruz qalıb…
Bu barədə onun atası Kamil Əsədov məlumat verib. Onun sözlərinə görə, oğlu Bərdə rayon Hərbi Komissarlığından həqiqi hərbi xidmətə çağırılıb.
Ancaq hərbi qulluğu bitirməsinə bir həftə qalmış əsgər yoldaşı onun baş nahiyəsindən bellə vurub.
Bel əsgərin başında qalıb və o vəziyyətdə hərbi hospitala yerləşidirilib. Əsgər atası qeyd edib ki hadisə iki gün qabaq olub və nəzarətsizlikdən baş verib. Hazırda əsgərin vəziyyeti ağır olaraq qalmaqdadır. K.Əsədov bildirib ki oğlu ölüm ayağında olsa da onunla maraqlanan yoxdur.
Faktla bağlı Müdafiə Nazirliyinin rəsmi açıqlamasını təqdim etməyə hazırıq.(politika.Az)
Short URL: http://www.cumhuriyyet.net/?p=76709
