Partlayışda yaralanan aparat rəhbəri öldü
Abşeron rayonunun Hökməli qəsəbəsində yerləşən villada baş verən partlayış zamanı ağır xəsarət alan Azəravtoyol MMC-in aparat rəhbəri Müşviq Abbasov dünyasını dəyişib.
Hadisədən sonra M.Abbasov Türkiyəyə aparılmış və oradakı xəstəxanalardan birinə yerləşdirilmişdi.
O, oktyabrın 27-də Ankarada xəstəxanada vəfat edib.
Onun həyat yoldaşı Şəbruz Novruzovanın vəziyyəti isə ağır olaraq qalır.
Qeyd edək ki, oktyabrın 20-də Abşeron rayonun Hökməli qəsəbəsi Koroğlu küçəsi döngə 5 ünvanında fərdi yaşayış evində partlayış baş verib. Hadisə zamanı ev sahibi Müşviq Abbasov, həyat yoldaşı Şəbruz Novruzova, 12 yaşlı qızları Leyla Abbasova ağır xəsarət alıblar, 3 yaşlı qızları Banuçiçək Abbasova isə ölüb.
M.Abbasov və həyat yoldaşı Türkiyədə xəstəxanaya yerləşdirilmişdilər.
Xatırladaq ki, M.Abbasov Azəravtoyol MMC-də Aparat rəhbəri vəzifəsində işləyib.(Report.az)
Short URL: http://www.cumhuriyyet.net/?p=80292
