Abşerondakı partlayışda bir ailəyə 3-cü ölüm gəldi – ana da öldü…

01.11.2016 - 10:07

hokmelideki-partlayish-shebruz-novruzovaAbşeron rayonu Hökməli qəsəbəsindəki yaşayış evində baş verən partlayışda xəsarət almış “Azəravtoyol” ASC-nin aparat rəhbəri Müşfiq Qurbanovun həyat yoldaşı Şəbruz Novruzova da  Türkiyədə müalicə aldığı xəstəxanada ölüb.

Bu barədə APA-ya mərhumun yaxınları məlumat verib.

Bundan öncə ağır vəziyyətdə Türkiyəyə aparılan ailə başçısı Müşfiq Qurbanov da vəfat etmişdi. O, oktyabrın 27-də Ankaradakı xəstəxanada dünyasını dəyişib.

Qeyd edək ki, oktyabrın 21-də səhər saat 7 radələrində Hökməli qəsəbəsindəki evdə baş vermiş partlayış nəticəsində 3 nəfər – 1972-ci il təvəllüdlü Müşviq Qurbanov, 1972-ci il təvəllüdlü Şəbruz Novruzova və 2004-cü il təvəllüdlü Leyla Qurbanlı ağır dərəcəli yanıq xəsarətləri almışdılar. Müşviq Qurbanovun bədəninin 80 faizi, Şəbruz Novruzovanın bədəninin 80 faizi, Leyla Qurbanlının bədəninin isə 40 faizi yanmışdı.

Ailənin 3 yaşlı qızı Banıçiçək Qurbanlı isə hadisədə dünyasını dəyişmişdi.

İndi Qurbanovlar ailəsindən sağ qalan 12 yaşlı Leyla Qurbanlı Bakıda müalicə alır.

Short URL: http://www.cumhuriyyet.net/?p=80731

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728