Nazirlik əməkdaşının bağından toyuq-cücə oğurladılar
Səhiyyə Nazirliyinin mətbuat xidmətinin əməkdaşı Səfayə Əhmədovanın bağ evindən oğurluq edilib.
Bu barədə S. Əhmədova özü məlumat verib.
Onun sözlərinə görə, hadisə oktyabrın 29-da Bakının Maştağa qəsəbəsində, Ləyiş bağları, dalan 14 ünvanında qeydə alınıb. S. Əhmədovanın evindən toyuq-cücə, cins quşlar oğurlanıb.
Faktla bağlı Sabunçu Rayon Polis İdarəsinin 42-ci polis bölməsinə müraciət edilib və araşdırma aparılır:
“Hadisədən xeyli vaxt keçməsinə baxmayaraq, oğruların tutularaq cəzalandırılması mümkün olmayıb”.(APA)
Short URL: http://www.cumhuriyyet.net/?p=81435