Cahangir Hacıyevə işgəncə verilir – Vəkil

10.11.2016 - 11:25

cahangirhaciyev4rf3“Azərbaycan Beynəlxalq Bankı” ASC-nin İdarə Heyətinin keçmiş sədri, bir ilə yaxındır ki, Kürdəxanıdakı 1 saylı Bakı istintaq təcridxanasında saxlanılan Cahangir Hacıyevin yerini yenə dəyişiblər.

Bu barədə məlumat verən vəkili Aqil Layıcov deyir ki, Cahangir Hacıyev baş verənləri apellyasiya məhkəməsi öncəsi növbəti təzyiq kimi qiymətləndirir.

Məlumata görə, Cahangir Hacıyev bundan əvvəl iki nəfərin saxlanıldığı kamerada qalırdı. Noyabrın 8-də onu səkkiz nəfərlik kameraya köçürüblər.

“Bu kamerada siqaret çəkilir, hava çatışmazlığı var. Cahangir Hacıyevin səhhətində problemlər var. Eyni zamanda, haşimota sindromu onun sakit və daha havalı yerdə qalmasını tələb edir. Bunu bilə-bilə istintaq təcridxanasında ənənəvi təzyiq metodundan istifadə edərək, onu yenə başqa otağa köçürüblər”, – deyə vəkil bildirib.

Müdafiəçi deyir ki, Cahangir Hacıyev işi üzrə birinci instansiya məhkəməsində (Bakı Ağır Cinayətlər Məhkəməsi) proses başlamazdan az əvvəl onun yeri dəyişdirilmişdi: “İndi də işinə apellyasiya instansiya məhkəməsində baxılan ərəfədə belə bir addımı özünə qarşı mənəvi təzyiq və işgəncə kimi qəbul edir”.

Aqil Layıcov məsələ ilə əlaqədar Ədliyyə naziri Fikrət Məmmədova, eləcə də Penitensiar Xidmətin rəhbərliyinə müraciət edib.

Xatırladaq ki, Cahangir Hacıyev ötən il dekabrın 5-də həbs olunub. Beynəlxalq Bankın sabiq rəhbəri bu yaxınlarda Bakı Ağır Cinayətlər Məhkəməsinin hökmü ilə 15 il azadlıqdan məhrum edilib.( azadlıq.info)

Short URL: http://www.cumhuriyyet.net/?p=81551

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728