AİLƏ FACİƏSİ: Ata iki oğlunu və arvadını qətlə yetirib, niyə intihar etdi? – VİDEO

Ötən gün Türkiyədə atanın iki övladını və həyat yoldaşını öldürdükdən sonra intihar etməsinin təfərrüatları məlum olub. A24.Az xəbər verir ki, Adana şəhərində Ali Keklik adlı kişi həyat yoldaşı Sibel Kekliklə aralarında bir neçə müddətdir davam edən münaqişədən sonra qəddar əmələ imza atıb.
15 yaşlı oğlu Okan Kekliyin və 13 yaşlı Özgür Kekliyin boğazını kəsən ata, arvadını odunla döyərək qətlə yetririb. Paltarını dəyişərək evdən çıxan Keklik qohumları ilə vidalaşdıqdan sonra geri dönüb və intihar edib. Yaxınlarının sözlərinə görə, ailədə söz-söhbətə səbəb Ali Kekliyin evi satmaq istəməsi olub. “Evi satıb kəndə gedək, yoxsa bu evi isə məzar edəcəm” deyən ər sonunda dediyini edib.
Sibel Keklik isə ərinə övladlarının burada təhsil aldığını, onları narahat etmək istəmədiyini bildirib. Köhnə əşyaların satışı ilə məşğul olan Ali Kekliyin tez-tez spirtli içki qəbul etdiyi də ortaya çıxıb.

Short URL: http://www.cumhuriyyet.net/?p=82505