Tələbə yataqxanasında faciə: 12 nəfər yanaraq öldü
30.11.2016 - 00:51
Türkiyədə tələbə yataqxanasında yanğın baş verib. Musavat.com-un məlumatına görə, hadisə Adana əyalətinin Aladağ rayonunda, qız tələbə yataqxanasında baş verib. Türkiyənin Avropa Birliyi naziri Ömər Çelik yanğın barədə açıqlama verərək 12 nəfərin öldüyünü bildirib. Onlardan 12-nin tələbə, birirnin isə yataqxana işçisi olduğu bildirilir. Tələbə yataqxanasında ümumilikdə 31 qız tələbə qalırmış.
Adana valisi Mahmut Demirtaş isə 22 nəfərin yanıq xəsarəti ilə xəstəxanaya aparıldığını deyib. Hadisə yerinə çox sayda yanğınsöndürən və təcili yardım maşınlarının cəlb edildiyi bildirilir. Baş nazirin müavini Veysi Kaynak və daxili işlər naziri Süleyman Soylu da hadisə baş verən yataqxanaya gedib.
Short URL: http://www.cumhuriyyet.net/?p=83342
