Kriminal aləmin “Qoca”sı 3 ailə üzvü ilə birgə tutuldu – FOTO

Bərdə rayonunda narkotik vasitələrin qanunsuz dövriyyəsi ilə məşğul olan bir ailənin 4 üzvü saxlanılıb. Rayonun Zümürxan kəndində ata və 3 oğlu tutulublar.
Bərdə Rayon Polis Şöbəsinin (RPŞ) baş müstəntiqi Vəkil Əsgərov bildirib ki, rayon polis şöbəsinin əməkdaşları keçirdikləri əməliyyat tədbirləri nəticəsində Bərdə rayon sakini, 30 yaşlı Elgiz Məmmədov qardaşı 24 yaşlı Mənaf Məmmədovla birlikdə rayon sakini Elcin Əliyeva narkotik maddə satarkən iş başında saxlanılıblar. Bundan sonra Məmmədovların yaşadıqları evə baxış keçirən polis əməkdaşları saxlanılan şəxslərin ataları, 49 yaşlı Ədilxan Məmmədovun və saxlanılanların daha bir qardaşı, 33 yaşlı Samir Məmmədovun otağından 1 kq 200 qram qurudulmuş marixana və 16 kibrit qutusunda narkotik vasitə olan qurudulmuş marixuana aşkar ediblər.
Polisin məlumatına görə, 30 yaşlı Elgiz Məmmədov kriminal nüfuza malik şəxsdir o, el arasında “Qoca” ləqəbi ilə tanınır.(Report)

Short URL: http://www.cumhuriyyet.net/?p=83456