İmişlidə yol qəzası olub, 1 nəfər ölub, 3 nəfər yaralanıb
İmişli ilə Beyləqana gedən yolun dörd yol ayırıcında “Mercedes” markalı avtomobil digər minik maşını ilə toqquşub
“Report”un Aran bürosunun məlumatına görə, nəticədə bir nəfər hadisə yerində dünyasını dəyişib. Ölənin kimliyi hələlik məlum deyil.
Üç nəfər isə müxtəlif dərəcəli ağır bədən xəsarətləri alıb. Yaralılar Bəhramtəpə FİN qəsəbəsində yaşayan 1989-cu təvəllüdlü Cəbrayıl Vaqif oğlu Quliyev və 1989-cu il təvəllüdlü Yasin Bayram oğlu Şirinov İmişli Rayon Mərkəzi Xəstəxanasına çatdırılıb.
Digər yaralı isə Beyləqan Rayon Mərkəzi Xəstəxanasına yerləşdirilib.
Faktla bağlı araşdırma aparılır.
cumhuriyyet.net
Short URL: http://www.cumhuriyyet.net/?p=95409