İsmayıllıda Tur-aksiya iştirakçıları ilə görüş keçirilib

14.11.2017 - 19:40

Ölkəmizin tarixinin, mədəniyyətinin, adət-ənənələrinin, müstəqillik illərində əldə edilmiş nailiyyətlərinin dərindən öyrənilməsi məqsədilə Respublikamızın müxtəlif şəhər və rayonlarında yaşayan gənclərin digər bölgələrə səyahətlərinin təşkilinə dair Azərbaycan Respublikasının Prezidenti İlham Əliyevin tapşırığına əsasən “Ölkəmizi tanıyaq” layihəsi çərçivəsində tur-aksiyanın səkkizinci mərhələsinə start verilib.

Bu aksiyalar ölkəmizin tarixini dərindən öyrənməklə yanaşı, gənclərimizə Azərbaycan xalqının ümummilli lideri Heydər Əliyevin rəhbərliyi ilə milli dövlət quruculuğu sahəsində görülmüş işlərlə,  Prezident İlham Əliyevin həyata keçirdiyi dinamik sosial-iqtisadi inkişafla hər bir şəhər və rayonun nümunəsində tanış olmaq imkanı yaradıb.

Noyabrın 14-də Tur-aksiyada iştirak edəcək şagirdlərlə İsmayıllı Rayon İcra Hakimiyyətində görüş keçirilib. Tədbiri giriş nitqi ilə açan rayon icra hakimiyyətinin başçısı Mirdaməd Sadıqov Prezident İlham Əliyevin təşəbbüsü ilə keçirilən tur-aksiyaların yeniyetmələrin vətənpərvərlik, vətənsevərlik tərbiyəsində, onların Vətənimizin tarixini, maddi-mədəniyyət abidələrini, sosial-iqtisadi həyatını daha dərindən öyrənmələrində xüsusi əhəmiyyət kəsb etdiyini diqqətə çatdırıb.

Qeyd edib ki, cənab Prezident hər bir gəncin ölkəni, vətəni tanıyaraq sevməsi üçün çox dəyərli və hamı tərəfindən minnətdarlıqla qarşılanan tədbirlər həyata keçirir. Tur-aksiya bu tədbirlərin ən səmərəlisi, ən yadda qalanı, ən müasiri və yenisidir. 40 nəfər məktəblimiz payız tətili günlərində Quba, Xaçmaz və Qusar rayonlarında olacaq və Azərbaycanın sürətli inkişafına hər bir bölgənin qovuşduğunu görəcəkdir.

Pover-liftinq (ağırlıqqaldırma) idman növü üzrə bu yaxınlarda 6-cı dəfə Dünya çempionu olmuş rayon polis şöbəsinin əməkdaşı Kamil Qafarovun görüş iştirakçılarına təqdim olunması və onun çıxışı sürəkli alqışlarla qarşılandı.

Rayon təhsil şöbəsinin müdiri Rasim Orucov, Təzəkənd tam orta məktəbinin direktoru Elxan Bədəlov, rayon gənclər və idman idarəsinin rəisi Taleh Salehov, rayon veteranlar şurasının sədri, istefada olan polkovnik Əlaləm Babayev, valideyn və “Ən yaxşı müəllim” müsabiqəsinin qalibi Pərvanə Piriyeva, tur-aksiya iştirakçısı Arifə Gərayeva, keçən ilki tur-aksiyanın iştirakçısı İlknur Muradlı və rayon polis şöbəsinin rəisi Telman Ağasıyev çıxış etdilər. Hər bir çıxışda yetişən nəslə göstərdiyi qayğıya görə cənab Prezidentə minnətdarlıq bildirildi. Yaşlılar məktəblilərə müsbət təcrübələrinə əsaslanıb məsləhətlər verdilər. Qeyd olundu ki, dövlət siyasətinin hər bir istiqaməti, xüsusilə gənclər və idman siyasəti rayonda çox uğurla həyata keçirilir.

Cumhuriyyet.net

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i1.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i2.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i2.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=104387

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Noyabr 2017
BE ÇA Ç CA C Ş B
« Okt    
 12345
6789101112
13141516171819
20212223242526
27282930