Qubada brilyant satan dələduzlar tutuldu: biri qadındır

Qubada brilyant satan dələduz dəstə üzvləri ifşa olunub.

Daxili İşlər Nazirliyi Mətbuat xidmətinin Quba rayonundakı regional qrupundan virtualaz.org-a verilən məlumata görə, yerli polis şöbəsinin əməkdaşları tərəfindən gecə saatlarında keçirilən tədbir zamanı rayon ərazisində külli miqdarda dəyəri olan iki ədəd brilyant daş-qaşı satmaq istəyən beş nəfərdən ibarət dəstənin üzvləri “iş başında” saxlanılıblar.

Araşdırmalarla onların Quba rayon sakinləri – 62 yaşlı Əkbər Rzayev və 63 yaşlı İkram Pirimov, Bakı şəhər sakini 58 yaşlı Güllü Nazirova, əvvəllər məhkum olunmuş Bakı şəhər sakinləri – 58 yaşlı Azad Rəşidov və 42 yaşlı Emil Canayev olduqları məlum olub.

İlkin dindirilmə zamanı həmin şəxslər törətdikləri cinayət əməlini etiraf edərək, iki ədəd 5 və 7 karatlıq brilliant daş-qaşı 163 min manat müqabilində Qubada satmaq istədiklərini bildiriblər.

Faktla bağlı Quba Rayon Polis Şöbəsində cinayət işi açılıb.

Short URL: http://www.cumhuriyyet.net/?p=130815