Azərbaycan yığmasının Super final üçün heyəti açıqlanıb
Azərbaycan milli komandası çimərlik futbolu üzrə Avropa Çimərlik Futbolu Liqasının Super finalında iştirak edəcək.
“Cümhuriyyət” APA-ya istinadən xəbər verir ki, sentyabrın 3-dən 9-dək baş tutacaq yarış üçün millinin heyəti açıqlanıb.
Portuqaliyanın Figueira şəhərindəki turnirə Azərbaycanın 12 futbolçusu yollanacaq. Bunlar Vaqif Şirinbəyov, Elçin Qasımov, Comərd Baxşəliyev, Kamil Hüseynov, Amid Nəzərov, Orxan Məmmədov, Elgiz Kərəmli, Ramil Əliyev, Elşad Manafov, Renat Sultanov, Sabir Allahquliyev və Əbdül Əliyevdir.
Bolqarıstan milli komandasının iştirakdan imtina etməsi səbəbindən final mərhələsində Estoniya yığması mübarizə aparacaq. Milli sentyabrın 5-də Estoniya, ertəsi gün Rumıniya, 7-də Çexiya ilə qarşılaşacaq.
Short URL: http://www.cumhuriyyet.net/?p=132200
