“Operativ Qərargah tam tərkibdə istefaya getməlidir” – SƏRT MÖVQE

21.06.2020 - 23:32

“Bu günə qədər əhalini virusun mövcudluğuna inandıra bilməyən Nazirlər Kabineti yanında Operativ Qərargah bütün tərkibi ilə istefa verməli və yenidən təşkil edilməlidir”. Hurriyyet.org-un xəbərinə görə, bunu iqtisadçı Qubad İbadoğlu deyib.
“Əks təqdirdə bu dəfəki sərt karantin rejimi də ciddi effekt verməyəcək. İlk növbədə insanlar arasında inamsızlığı aradan qaldırmaq və ehtiyacı olanların sosial təminatını təşkil etmək lazımdır. Dünən 438, bu gün 471 yeni yoluxma, 2 gündə 909 yoluxma. Bu o deməkdir ki, polis zorakılığı ilə hələ uzun müddət yaddaşlarda qalacaq 6-7 iyun tarixli sərt özünütəcrid rejimində olan karantin rejimi ilə bağlı Nazirlər Kabinetinin Operativ Qərargahının qərarı düzgün olmayıb. Deməli, əsas karantin rejimi deyil, karantin davranışları və mədəniyyətidir. Təəssüflər olsun ki, 2 ay 20 gündür ki, ən vacib olan bu vəzifələrin həllinə nail ola bilmədik. Çünki, hakimiyyətin hədəf bu olmadı.Hədəf əvvəl də başqa idi, indi də başqadır. Virusla mübarizə belə aparılmır. Onun üçün strateji yanaşma olmalıdır, alqoritm qurulmaldır, bütün addımlar bir-birləri ilə əlaqələndirilməli və sonda da bir-birini tamamlamalıdır. Bu isə mütərəqqi ölkələrin təcrübəsi və emprik tədqiqatlar əsasında hazırlana bilər. Azərbaycanda isə əsl alimlər və ekspertlər bu prosesdən kənardadır. Professor Adil Qeybulla indiyə qədər irəli sürdüyü elmi fərziyələrin demək olar ki, hamısı özünü doğruldub. Amma bir dəfə də olsun onu Nazirlər Kabinetinin Operativ Qərargahına dəvət edib, dinləməyiblər.
Digər tərəfdən də əhali də hakimyyətə inamsızlığı aradan qaldırmaq və karantin rejiminin effektivliyini artırmaq üçün bu müddətdə ehtiyacı olanların maddi və mənəvi tələbatlarını ödəmək məqsədilə 2 iş davamlı olaraq görülməlidir: 1) ünvanlı və birdəfəlik sosial yardım; 2) dürüst və səmimi söhbət. Azərbaycan vətəndaşları təəssüf ki, hər ikisindən məhrumdur. Bu günə qədər əhalini virusun mövcudluğuna inandıra bilməyən operativ qərargah bütün tərkibi ilə istefa verməli və yenidən təşkil edilməlidir. Əks təqdirdə bu dəfəki karantin rejimi də ciddi effekt verə bilməz. İlk növbədə insanlar arasında inamsızlığı aradan qaldırmaq və ehtiyacı olanların sosial təminatını təşkil etmək lazımdır. Yaponiyada heç operativ qərargah da yoxdur, amma dürüst və xalqla açıq danışan hakimiyyət və bir də karantin mədəniyyəti olan yapon xalqı vardır” – Q.İbadoğlu qeyd edib.

http://www.cumhuriyyet.net/wp-content/plugins/sociofluid/images/google_16.png http://www.cumhuriyyet.net/wp-content/plugins/sociofluid/images/facebook_16.png http://www.cumhuriyyet.net/wp-content/plugins/sociofluid/images/yahoobuzz_16.png http://www.cumhuriyyet.net/wp-content/plugins/sociofluid/images/twitter_16.png

Short URL: http://www.cumhuriyyet.net/?p=148578

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
İyul 2020
BE ÇA Ç CA C Ş B
« İyn    
 12345
6789101112
13141516171819
20212223242526
2728293031