Bu tarixdə ardıcıl 5 gün iş olmayacaq
11.03.2024 - 12:29
Bu gündən müsəlman aləminin müqəddəs ayı sayılan Ramazan daxil olub. Ramazan bayramının 10-11 aprel tarixlərinə təsadüf edəcəyi gözlənilir.
Bu məqsədlə də Baş nazir Əli Əsədovun Qərarına əsasən, Ramazan bayramında ardıcıl 5 qeyri-iş günü olacaq. Belə ki, Qərara əsasən, iş və istirahət günlərinin ardıcıllığını təmin etmək məqsədilə aprelin 12-si həftənin cümə gününə təsadüf etdiyindən aprelin 6-sı şənbə günü ilə yerləri dəyişdirilib.
Bu da o deməkdir ki, ardıcıl 5 gün – aprelin 10,11,12,13 və 14-ü iş olmayacaq. Aprelin 6-sı isə rəsmi iş günü elan edilib.
Short URL: http://www.cumhuriyyet.net/?p=199122
