Cinayəti etiraf etməzdən əvvəl 21 dəfə Müşfiq Atakişiyevə zəng edibmiş…

14.03.2024 - 11:10

“Təfəkkür Universiteti”nin prorektoru Tariyel Əhmədovun qətli ilə bağlı məhkəmə istintaqı yekunlaşıb.

“Qafqazinfo”nun məlumatına görə, Bakı Ağır Cinayətlər Məhkəməsində keçirilən bugünkü iclasda professor müttəhim Müşfiq Atakişiyevin istintaqa verdiyi ifadəsi elan edilib.

Atakişiyev istintaqdakı ifadəsi məhkəmədəki ifadəsi ilə eynidir. Lakin professor ona verilmiş ittihamla razı deyil. Deyir ki, ona tamah niyyəti ilə adam öldürmə ittihamı deyil, qəsdən sağlamlığa ağır xəsarət yetirmə ittihamı verilməli idi: “Qadınlar arasındakı qeybətə əsaslanıb mənə ittiham veriblər. Dedi-qodu ilə iş olar? Mən Tariyelin ölümünü sifariş verməmişəm. Amma 126.3-cü (qəsdən sağlamlığa ağır xəsarət yerətirmə) maddə ilə günahkaram”.

Sənədlərin tədqiqi zamanı məlum olub ki, qətlin təşkilatçısı Dəyanət Quliyev cinayəti etiraf etmək üçün Daxili İşlər Nazirliyinin 102 qaynar xəttinə zəng edib etiraf etməzdən əvvəl 21 dəfə Müşfiq Atakişiyevə zəng edib. Quliyev həmin saatda eyni zamanda müxtəlif mərc saytlarına girib. Onun telefonuna baxış zamanı da bu sübut olunub.
Prokuror Cövdən Mehrəliyev çıxışa hazırlaşmaq üçün vaxt istəyib. Prokurora martın 27-ə kimi vaxt verilib.

Qeyd edək ki, hadisə 2011-ci ildə baş verib. İttihama görə, həmin vaxt “Təfəkkür Universitetinin” rektoru işləyən Müşfiq Atakişiyev özünə rəqib hesab etdiyi prorektor Tariel Əhmədovun qətlini sifariş verib. Sifarişin təşkilatçısı bacısı oğlu Dəyanət Quliyev, icraçısı isə D.Quliyevin qonşusu Samir Quliyev olub.

Onlara qarşı Cinayət Məcəlləsinin 120.2.5-ci (tamah məqsədilə qəsdən adam öldürmə) maddəsi ilə ittiham irəli sürülüb.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=199271

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Aprel 2024
BE ÇA Ç CA C Ş B
1234567
891011121314
15161718192021
22232425262728
2930