Ali Məhkəmə Anar Məmmədli barəsində ittiham hökmünü qüvvədə saxladı
27.08.2015 - 10:54
Azərbaycan Ali Məhkəməsi bu gün Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədlinin kassasiya şikayətini təmin etməyərək, onun barəsində ittiham hökmünü qüvvədə saxlayıb.
Müdafiə tərəfi bununla razı deyil və Avropa İnsan Hüquqları Məhkəməsinə müraciət etmək niyyətindədir.
Bu barədə “Turan”-a vəkil Elçin Sadıqov bildirib.
Anar Məmmədli 2013-cü il dekabrın 17-də həbs edilib və qanunsuz sahibkarlıq, vəzifə səlahiyyətlərindən sui-istifadə və vergi ödənişindən yayınmaya görə 5 il yarım müddətinə azadlıqdan məhrum edilib.
2014-cü il dekabrın 10-da Bakı Apelyasiya Məhkəməsi bu hökmü qüvvədə saxlayıb. Kassasiya şikayəti məhz bu qərarla bağlı olub.
Short URL: http://www.cumhuriyyet.net/?p=30574
