Zaur Baxşəliyev məhkəməyə verildi – ATV-də daha bir ev fırıldağı

27.02.2016 - 11:39

zaurMəşhur teleaparıcı Zaur Baxşəliyev məhkəməyə verilib.

Cwmhuriyyət.az AzNews.az-a istinadən xəbər verir ki, İmişli rayon, Hacıalmuradlı kənd sakini Kamran Həşimov aparıcıya qarşı mənəvi təzminat iddiası ilə Yasamal Rayon Məhkəməsinə müraciət edib. Məlumata görə, K.Həşimovun onu məhkəməyə verməsinə səbəb Z.Baxşəliyevin aparıcısı olduğu verilişlərdən birində aldadılmasıdır. Belə ki, həmin layihədə iştirak edən K.Həşimov sonda mənzil qazanıb. Z.Baxşəliyev açarı ona təqdim etsə də, sonradan mənzilin verilməsindən imtina edilib. Belə olduğu halda K.Həşimov məhkəməyə üz tutub.

Aparıcı Z.Baxşəliyevin köməkçisi Faiq Ələkbərli AzNews.az-a açıqlamasında məsələdən xəbərsiz olduğunu bildirib: “Bizim bundan xəbərimiz yoxdur. Siz bizə məhkəməyə verilən iddia ərizəsini təqdim edin, sonra münasibət bildirək”.

Yasamal Rayon Məhkəməsi isə faktı təsdiqləyib. Hakim Rafael Əliyev açıqlamasında bildirib ki, iddiaçı Həşimov Kamran İbiş oğlu Zaur Baxşəliyevdən pul tələb edir: “Bu proses məndə idi. Amma həmin iş araşdırılıb baxılması üçün ATV kanalının nümayəndəsinin öz vəsatəti ilə aidiyyəti üzrə Səbael Rayon Məhkəməsinə göndərilib. Yaşlı kişidir, haradasa 80 yaşı olar. Aldadıldığını iddia edir və Zaur Baxşəliyevdən pul tələb edir”.

Məlumat üçün bildirək ki, anoloji hadisə ATV kanalında 2013-cü ildə də baş vermişdi. Belə ki, kanalda nümayiş olunan və qalibi SMS-səsvermə ilə müəyyənləşdirilən “Şərq ulduzu” yarışmasında mükafat qismində Bakı şəhərində mənzil təqdim olunmalı idi. Yarışda 14 yaşlı Ayla Şiriyeva qalib gəlmişdi. Lakin söz verilən mənzil iştirakçıya verilməmişdi.

Short URL: http://www.cumhuriyyet.net/?p=55747

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728