Gəncə şəhər Kardioloji Xəstəxanasında dərman mafiyasına kim qulluq edir – ŞİKAYƏT VAR

02.03.2016 - 10:44

gence-kardiolojiGəncə şəhər Kardioloji Xəstəxanasının Reanimasiya şöbəsinin müdiri Edison Nəzirovun qeyri-qanuni əməllərindən zərər çəkən insanların redaksiyamıza şikayətləri daxil olmaqda davam edir. Xəstələrdən birinin şikayətinə görə, O, infarkt diaqnozu ilə reanimasiya şöbəsinə daxil olunan atasının müalicəsi üçün Edison Nəzirova müraciət etdikdə ona adıçəkilən “Dobutamin” preparatını təcili olaraq almağı məsləhət görüb. Xəstəyə seçim imkanı verməyən Edison Nəzirov xəstəyə həmin preparatı Gəncədə yalnız Kardioloji Dispanserin yaxınlığında yerləşən 611 saylı aptekden almasını tapşırıb. Əks halda preparatın təsirsiz olacağını bildirib. Süni şəkildə baha satılan preparatın niyə məhz 611 saylı aptekdən alınmasının bu qədər israrla deyilməsi həmin aptekin Edison Nəzirovla əlbir olduğunu sübut edə bilən dəlil ola bilər. Daha bir xəstənin şikayət məktubunda onun da Edison Nəzirovun dərman biznesinin qurbanına çevrildiyini oxumaq olar. Xəstənin yazdığına görə, Edison Nəzirov “Dobutamin” preparatını ona almağı tapşıraraq resept yerinə ona kiçik bir kağız parçasının üzərində preparatın adını yazaraq verib. Reseptsiz olaraq, qeyri-qanuni şəkildə kağız parçasında yazılan dərmanların satışından əldə edilən külli miqdarda qeyri-qanuni vəsaitlə varlanmaq istəyən Edison Nəzirov xəstə insanların faciəsi üzərində şəxsi xoşbəxtliyini qurmaq istəyib.

Dia.az

Short URL: http://www.cumhuriyyet.net/?p=56169

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728