“Qarabağ” əsasnaməni pozub? – Açıqlama
“Qarabağ” Topaz Premyer Liqasının 12-ci turunda “Sumqayıt”la qarşılaşacaq. “Qafqazinfo” xəbər verir ki, Ağdam klubu “Gənclik şəhəri” təmsilçisini Bakı Olimpiya Stadionunda qəbul edəcək.
Bununla da “Qarabağ” mövsüm ərzində doğma arena kimi üçüncü stadionda oynayacaq. Buna kimi “Azərsun Arena”, Tofiq Bəhramov adına Respublika stadionu “Qarabağ”ın oyunlarına ev sahibliyi edib.
Bəs, mövsüm ərzində 3 stadiondan doğma meydan kimi istifadə etmək PFL-in əsasnaməsini pozurmu?Bununla bağlı PFL-in Texniki İdman departamentinin rəisi Zamiq Hüseynova müraciət etdik. O, saytımıza açıqlamasında bu bəndin əsasnamədən 3 il öncə çıxarıldığını bildirdi: “Əvvəllər əsasnamədə belə bir bənd var idi.
Amma 3 il öncə klubların stadionla bağlı problemlərinin ortaya çıxdığını görüb onu ləğv etdik. İndi bir klub AFFA və PFL tərəfindən qəbul edilən istənilən stadionda oynaya bilər. Bunun üçün heç bir məhdudiyyət yoxdur. Bir komanda ev oyunlarını 6 stadionda da keçirmək ixtiyarına sahibdir”.
Short URL: http://www.cumhuriyyet.net/?p=104357
