Tofiq Yaqublunun məhkəməsi başlayır- o, azadlığa buraxılacaqmı? FOTO VİDEO
Tofiq Yaqublu barəsindəki hökmdən verilən şikayətə Bakı Apelyasiya Məhkəməsində baxılacaq.
Musavat.com xəbər verir ki, məhkəmə prosesi saat 16:00-a təyin edilib.
Artıq Tofiq Yaqublunun vəkili Aqil Layıcov və Elçin Sadıqov məhkəmə binasına daxil olublar.
Qeyd edək ki, Nizami Rayon Məhkəməsi Tofiq Yaqublunun 4 il 3 ay müddətinə azadlıqdan məhrum edilməsi barədə hökm çıxarıb.
İttihama görə, avtomobil qəzası zamanı T.Yaqublu digər maşının sürücüsünü və onun yanında olan həyat yoldaşını təhqir edib, vurub, sürücüyə vintaçanla xəsarət yetirib. O, ittihamları qəbul etmədiyini bildirir.
17 gündür aclıq aksiyasını davam etdirən Tofiq Yaqublu səhhəti ilə əlaqədar sentyabrın 12-də istintaq təcridxanasından “City Hospital”a köçürülüb.
Short URL: http://www.cumhuriyyet.net/?p=154510