Sabir Rüstəmxanlı: “İrqçilik göz qabağındadır və biz buna təəssüflənirik”6
Deputat Sabir Rüstəmxanlı Milli Məclisdəki çıxışında Rusiya-Ukrayna müharibəsindən bəhs etdi. Bildirdi ki, bu gün dünya Ukraynanın yanındadır, müxtəlif sanksiyalar tətbiq olunur və Rusiyaya öz yerini göstərməyə çalışır: “30 ildə bizim haqlı savaşımızı müdafiə etməyən dünya bu gün Ukraynanın yanındadır. Bu, bizi sevindirir, amma çox istərdik ki, dünya bizə də eyni münasibəti göstərsin. İrqçilik göz qabağındadır və biz buna təəssüflənirik”.
S.Rüstəmxanlı dedi ki, belə mürəkkəb vəziyyətdə Azərbaycan prezidenti şahmat taxtasındakı kimi dəqiq gedişlər edir: “Ukrayna mətbuatında da yazırlar ki, Azərbaycan prezidenti praqmatik, real siyasət yürüdür”.
Deputat ukraynalı qaçqınlarla bağlı təklif verdi: “Azərbaycanın borcudur ki, biz Ukraynadan çıxarılan qaçqınlara da qucaq aça və onlara yardım edə bilər”.
Short URL: http://www.cumhuriyyet.net/?p=171468
