İnsan başına gələcəkləri öncədən GÖRƏ BİLƏR – Gələcəkdə olanları belə öyrənin

Gələcək haqda öncədən xəbər vermək qabiliyyəti təkcə xüsusi bacarıqlı və ya xalq deyimi ilə desək “vergili” adamların hünəri deyil. Əslində hər bir insan “Üçüncü gözü”nü inkişaf etdirməklə gələcəyi görə bilər. Alimlər bildirirlər ki, istənilən insan baş verəcək hadisələri 13 saniyə öncə görmə qabliyyətinə sahibdir. Sadəcə bu zaman kəsiyi həddən artıq qısa olduğu üçün o, baş verənlərə müdaxilə edə və ya qarşısını ala bilmir.

Publika.az xəbər verir ki, bunu isbat etmək üçün 29 tələbə təcrübələrə cəlb olunub. Onların beyni tomoqrafik sistemə qoşularaq dəyişikliklərin müşahidə olunmasına şərait yaradılıb. Daha sonra tələbələrə ekran üzərində hərəkət edən qara nöqtə göstərilib. Əvvəlcə beyində çaşqınlıq yaransa da, daha sonra tələbələr nöqtəni dəqiq izləməyə başlayıblar və tezliklə nöqtənin növbəti istiqamətini qabaqcadan müəyyənləşdiriblər. Bu, onu göstərir ki, istənilən hadisəni diqqətlə izləməklə onun sonrakı gedişatını bilmək olur. Məsələn, labirint insanı çaşdıran dolaşıqlıqdır. Onun içində olarkən hara getsək də dönüb-dolaşıb eyni yerə gələcəyik. Amma labirintə quş baxışından baxanda təbii ki, çıxışı asanlıqla görmək olar. Eynilə hadisələri də soyuq başla, fikrini cəmləməklə onun növbəti prosesini bilmək mümkündür.

Short URL: http://www.cumhuriyyet.net/?p=127445