“İndi mən heç özüm özümə məsləhət verə bilmirəm…”

01.08.2020 - 18:58

Son günlər Rusiyada rublun məzənnəsi dollara nisbətən aşağı düşür və bəzi ekspertlər ölkəni “qara avqustun”- devalvasiyanın gözlədiyini təxmin edirlər.

Virtualaz.org xəbər verir ki, Azərbaycan əsilli rusiyalı milyarder Araz Ağalarov mövzu ilə bağlı ona zəng vuran “Komsomolskaya Pravda” qəzetinin müxbirinə Mərkəzi Banka müraciət etməyi məsləhət görüb.

“Rublla bağlı nə baş verir, yaxın, uzaq perspektivdə nə baş verəcək?”,-jurnalist Aleksandr Qamov soruşub.

Biznesmen deyib:

-Siz indi düzgün ünvana zəng vurmursunuz, Aleksandr,-Mərkəzi Banka zəng vurmaq lazımdır. Çünki bizdə bir tərəfdən rubl dəyərdən düşür, digər tərəfdən Mərkəzi Bank qızıl-valyuta ehtiyatlarını artırır. Düzünü desəm, mən başa düşmürəm ki, bu necə ola bilər, çünki son bir ayda Mərkəzi Bankın ehtiyatları 15 milyard dollar artıb.

Və ümumiyyətlə, onların ehtiyatları 580 milyardı aşıb, yəni bir ucdan artır, artır. Rublun məzənnəsi isə enir.

Araz Ağalarov hesab edir ki, bunlar bir-birini istisna edən anlayışlardır. Çünki rublun məzənnəsini sabit saxlamasalar Rusiya iqtisadiyyatı düzəlməyəcək.

Jurnalist yenə soruşub:

-Birdən mən Mərkəzi Banka zəng vura bilmədim, deyin, indi sadə adamlar necə yaşasınlar?

-Axı mən sadə adamlara nə məsləhət görə bilərəm? İndi heç mən özüm özümə məsləhət verə bilmirəm.

Araz Ağalarov söhbət zamanı onu da deyib ki, rublu dəyərdən salmaqla iqtisadi siyasət qurmaq mümkün deyil. Heç bir ölkədə bu baş verməyib və verməyəcək. Onun fikrincə, rublun indiki ucuzlaşması yeni ucuzlaşmanın əsasını qoyur. Çünki insanlar dərhal həyacana düşür, bütün pullarını dollara dəyişir ki, daha da dəyərdən düşməsin. Bu da rubla daha çox təzyiq yaradır.

“Mən başa düşmürəm ki, nəyə görə biz hər dəfə eyni dırmığa basırıq? Üstəlik neftin qiymətinin 42-43 dollar olduğu bir vaxtda. Və xarici ticarət saldosu da müsbətdir. Ona görə də mən başa düşmürəm…Bunu izah edə bilmirəm. Bilmirəm niyə belə edirlər”,-Ağalarov deyib.

http://www.cumhuriyyet.net/wp-content/plugins/sociofluid/images/google_16.png http://www.cumhuriyyet.net/wp-content/plugins/sociofluid/images/facebook_16.png http://www.cumhuriyyet.net/wp-content/plugins/sociofluid/images/yahoobuzz_16.png http://www.cumhuriyyet.net/wp-content/plugins/sociofluid/images/twitter_16.png

Short URL: http://www.cumhuriyyet.net/?p=151561

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Avqust 2020
BE ÇA Ç CA C Ş B
« İyl    
 12
3456789
10111213141516
17181920212223
24252627282930
31