Fransanın yeni prezidentini Bakıda seçəcəklər
07.04.2022 - 17:19
Fransada keçiriləcək prezident seçkiləri ilə bağlı Bakıda səsvermə məntəqəsi açılacaq.
Cumhuriyyet.az xəbər verir ki, bu barədə Fransanın Azərbaycandakı səfirliyi məlumat yayıb.
Bildirilib ki, aprelin 10-da Fransada prezident seçkilərinin ilk turu keçiriləcək. Bununla əlaqədar Bakıda yaşayan Fransa vətəndaşları şəxsiyyətlərini təsdiq edən sənədi təqdim etməklə saat 08:00-dən 19:00-a kimi Bakı Fransız Liseyində gəlib səs verə bilər.
Qeyd edək ki, Fransada prezident seçkilərinin birinci turu aprelin 10-da, ikinci turu aprelin 24-də baş tutacaq.
Short URL: http://www.cumhuriyyet.net/?p=173049
