ABŞ diplomatının İrəvanda sərt bəyanatı: “7 rayon qaytarılmalıdır” – VİDEO
ATƏT-in Minsk Qrupunun həmsədrləri İqor Papov (Rusiya), Ceyms Uorlik (ABŞ) və Pyer Andrio (Fransa) sabah Bakıya səfərə gələcəklər. Axar.az xəbər verir ki, bu barədə həmsədrlər İrəvanda keçirdikləri mətbuat konfransında elan ediblər.
Uorlik bildirib ki, ötən gün Prezident Serj Sərkisyan və Xarici İşlər naziri Edvard Nalbandyanla görüşün nəticələri barədə məruzə etmək üçün bu gün – iyulun 22-də Vyanaya gedəcəklər, sabah, cümə axşamı isə Prezident İlham Əliyevlə görüşmək üçün Bakıya yollanacaqlar.
Uorlik İrəvandakı mətbuat konfransında bir daha bəyan edib ki, Dağlıq Qarabağ münaqişəsinin nizamlanması elementlərindən biri işğal altında olan 7 rayonun geri qaytarılmasıdır: “Bu, hazırda danışıqlar predmetidir”.
Short URL: http://www.cumhuriyyet.net/?p=28598