ADPU müəllimi Qarabağ qazisinin torpağını qəsb edib – Video

26.12.2018 - 10:54

Qarabağ qazisi Əliquliyev Qərib Məmmədxan oğlu müraciət edərək kömək istəyib. Qarabağ qazisi Azərbaycanın tanınmış elm ocaqlarından birində işləyən, özünü ziyalı hesab edən bir şəxsin səlahiyyətlərindən və imkanlarından istifadə edərək onun qanuni torpaqlarını zorla ələ keçirmək istəməsi ilə bağlı saytımıza danışdı.

Şikayətçi Əliquliyev Qərib Məmmədxan oğlu qeyd edir ki, 1959-cu ildə Qərbi Azərbaycanda anadan olub və məlum hadisələrdən sonra Ermənistandan-dədə-baba yurdundan didərgin düşüb. Hal-hazırda Bakı şəhər Nərimanov rayon Çəmənzəminli küç, ev, 132-də yaşayır. Pənah gətirdiyi doğma yurdunda da problemsiz ötüşməyib. Hazırda ona və yaxınlarına məxsus olan, öz halal zəhmətləri bahasına əldə etdikləri torpaqlar indi də Azərbaycanda bəzi adamlar tərəfindən zəbt edilir.

Şikayətçi qeyd edir ki, Səbail rayon, Badamdar qəsəbəsi, 2-ci yaşayış massivində yerləşən 18 sot torpaq sahəsi 1994-cü ildən etibarən qanuni olaraq ona məxsus olub. Lakin əlində olan qanuni sənədlərinə baxmayaraq Cəbrayılov Rəna Polad qızı adlı şəxs ona məxsus torpaq sahəsinin səlahiyyətlərindən və arxalandığı vəzifəli şəxslərdən istifadə edərək onun əlindən almağa çalışır. Cəbrayılov Rəna Polad qızı Cəbrayılov Məlikməmməd Saday oğlunun həyat yoldaşıdır. M.Cəbrayılov 1966-cı ildən Azərbaycan Dövlət Pedeqoji Universitetində fəaliyyət göstərir. M.Cəbrayılovun həyat yoldaşının bu əmələrinə biganə qalması onu deməyə əsas verir ki, uzun müddət Pedeqoji universitetində çalışan bu şəxs məsələnin arxasında dayanır, öz səlahiyyətlərindən və imkanlarından istifadə edir. Yaxud da Rəna Cəbrayılova hansısa vəzifəli qohumuna güvənərək bu qanunsuz əməlindən daşınmaq istəmir.

Şikayətçi bildirir ki, məsələ ilə bağlı Səbail rayon 41-ci Polis Bölməsinə dəfələrlə şikayət etməsinə baxmayaraq, heç bir nəticə əldə edə bilməyib. Polislər Q.Əliquliyevin torpaq sahəsinin zorla zəbt olmasına məsələyə müdaxilə etməyiblər. Cəbrayılov Rəna Polad qızı daha da irəli gedərək hətta ərazidə tikinti də aparmağa cəhd edib. Bunu görən vətəndaş nicat yolunu məhkəmədə axtarıb. Məhkəmə ədalətli qərar çıxarsa da məsələ həllini tapmayıb. Qarşı tərəf əməllərini davam etdirib. Q.Əliquliyev yenidən polisə müraciət etsə də nəticə olmayıb. Yenə də polis nəyinsə müqabilində məhkəmə qərarının əleyhinə gedərək hadisəyə müdaxilə etməyib. Rəna Cəbrayılova ərazidə qanunsuz tikili aparamağa və ərazini zəbt etməyə davam edib. Polisin məhkəmə qərarını heçə saymasını görən Rəna Cəbrayılova bir az da irəli gedərək Q.Əliquliyevin həyətinə gedən yolu daş hasarla hörərək bağlamışdır. Növbəti şikayətlər əsasında dəfələrlə daş hasar sökülsə də bir müddət sonra yenidən Rəna Cəbrayılova tərəfindən tikdirilmişdir.

Qarabağ qazisi əlavə olaraq bildirir ki, hazırda iş Ali Məhkəmədədir və məhkəmədən ədalətli qərar gözləyir. Əgər, Ali Məhkəmə ilkin yerli məhkəmələrin qərarını qüvvədə saxlamazsa, qanunsuz qərar verərsə, onu çarəsiz buraxarsa, ilk öncə mətbuat konfransı keçirəcək. Hüquqlarının müdafiəsi üçün axıra qədər mübarizəsini davam etdirəcək. Səsinə səs verən olmazsa ciddi aksiyalara başlayacaq.

Qarabağ qazisi sonda jurnalistlərə və hüquq müdafiəçilərinə onu müdafiə etmələri üçün müraciət edib. Sabah saat 11.50-da Ali məhkəmədə keçirilən prosesdə iştirak etmələrini və işıqlandırmalarını, habelə mövzunu diqqətdə saxlamağı xahiş edib.
BakuNews.az

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i1.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i2.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i2.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=125940

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Yanvar 2019
BE ÇA Ç CA C Ş B
« Dek    
 123456
78910111213
14151617181920
21222324252627
28293031