Polisləri qətlə yetirən şəxslə bağlı şok detallar – VİDEO

25.06.2024 - 12:11

Xəbər verdiyimiz kimi, iyunun 24-də paytaxtın Xəzər rayonu Şüvəlan qəsəbəsində əvvəllər dəfələrlə məhkum olunmuş, hazırda axtarışda olan 1986-cı təvəllüdlü Rövşən Oqtay oğlu Allahverdiyev polis əməkdaşları tərəfindən saxlanılarkən silahlı müqavimət göstərib, 3 polis əməkdaşını və bir mülki şəxsi qətlə yetirib.

Axar.az-ın etibarlı mənbədən əldə etdiyi məlumata görə, külli miqdarda dələduzluğa görə axtarışda olan Rövşən Allahverdiyev haqda əməliyyat məlumatı əldə edilib və onun evində olduğu müəyyənləşib.

Əməliyyat hazırlanıb və sübh tezdən – təxminən 7 radələrində polis əməkdaşları R.Allahverdiyevin Şüvəlandakı evinə gəliblər. Bu zaman cinayətkar silahlı müqavimət göstərib. O, anasının arxasında gizlənib və “Lancaster” ov tüfəngini anasının çiyninə qoyaraq, polisləri nişan alıb.

Polis əməkdaşları cinayətkarın ailəsi və anasının xəsarət görmə ehtimalını nəzərə alaraq, silahları yerə qoyublar və öz anasından girov kimi istifadə edən R.Allahverdiyevlə danışmağa cəhd göstəriblər. R.Allahverdiyev isə bu məqamdan istifadə edərək, silahlarını artıq yerə qoyan polislərə atəş açıb və onları qətlə yetirib.

Yalnız ailəsi və anası təhlükəsizlikdə olandan sonra digər polis əməkdaşları R.Allahverdiyevi məhv edib.

“Rövşəni uşaqlıqdan tanıyıram. Əvvəllər məhkumluq həyatı yaşadığını bilirdim. Bir il əvvəl öyrəndim ki, imkanlı bir adamın külli miqdarda pulunu da oğurlayıb”.

Bunu Bakıda keçirilən əməliyyat zamanı üç polis əməkdaşını qətlə yetirən Rövşən Allahverdiyevin qonşusu Ramiz İbrahimzadə deyib.

“Rövşənin axtarışda olduğunu bilmirdim. Atası içki aludəçisi idi. Özü də imkanlı adamların həyətlərində işləyirdi. Özünü elə aparırdı ki, sanki yer üzündə ondan yaxşısı yoxdur. Rola girib kiminsə mal-mülkünə göz dikirdi. Bildiklərimi həmin adamlarla yaxınlığım olmadığı üçün onlara deyə bilmirdim”, – deyə qonşu əlavə edib.

Ətraflı Baku TV-nin süjetində:

 

 

Qeyd edək ki, yayılan rəsmi məlumatda Rövşən Allahverdiyevin külli miqdarda dələduzluğa görə axtarışda olduğu göstərilsə də, konkret hansı maddələrlə cinayət məsuliyyətinə cəlb edildiyi barədə məlumat verilmir.

“Azpolitika” AFN.az-a istinadla xəbər verir ki, bu ilin aprel ayında Bakı sakini Abbas Dadaşov Əmlak Məsələləri Dövlət Xidmətinin rəis müavini Rüstəm Şahbazovun qardaşı Teymur Şahbazovdan şikayətçi olduğunu bildirib. O, AFN-ə açıqlamasında deyib ki, Teymur Şahbazov qardaşının adından və mövqeyindən sui-istifadə edərək, Sumqayıt şəhəri, Koroğlu küçəsində, Əmlak Komitəsinin Sumqayıt şöbəsinin yaxınlığında yerləşən 0.68 ha boş torpaq sahəsinin sənədləşdirilməsi üçün ondan külli miqdarda pul alıblar.

Teymur Şahbazov şikayətçini Rövşən Allahverdiyevlə birgə aldadıb. Abbas Dadaşovun sözlərinə görə, ondan üst-üstə 236 min manat pul alıblar. Şikayətçinin sözlərinə görə, Rövşən Allahverdiyevlə bağlı Daxili İşlər Naziliyinin Kibercinayətkarlıqla Mübarizə Baş İdarəsində cinayət işi başlanıb. Ona qarşı Cinayət Məcəlləsinin 178-ci maddəsinin 2.1, 2.2, 3.4-cü hissələri ilə ittiham irəli sürülüb.

 

 

 

Qeyd edək ki, APA TV-yə danışan R.Abdullayevin qonşularından biri isə vurğulayıb ki, həmin şəxsin atası və anası Şüvəlan qəsəbəsində yaşayıblar:

“Onu bir-iki dəfə görmüşəm, atası rəhmətə gedib”.

Qonşulardan digəri isə bildirib ki, əməliyyat zamanı məhv edilən R.Abdullayevin üç övladı var.

 

 

Onu da qeyd edək ki, lent.az-ın əməkdaşı hadisə baş verən evdə olub, oradakı vəziyyəti müşahidə edib.

Əməkdaşımızın apardığı müşahidələr zamanı məlum olub ki, hadisəni törədən Rövşən Allahverdiyevin yaşadığı evin girişindəki qapıya kod qoyulub. Girişdə həmçinin çoxlu sayda müşahidə kameraları quraşdırılıb.

 

 

Ehtimal olunur ki, Rövşən evə gəlib-gedənlərin izləmək üçün bu qədər kamera quraşdırıb.

Hadisə yerini müayinə edən kriminalistlər kamera görüntülərini götürüblər.

“AzPolitika.info”

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=201760

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

İyul 2024
BE ÇA Ç CA C Ş B
1234567
891011121314
15161718192021
22232425262728
293031