Ərdoğanın pəhrizi hamıya şəfalı ola bilər – Tanınmış həkimdən MƏSLƏHƏT
Türkiyə Prezidenti Rəcəb Tayyib Ərdoğanın 3 gün öncə Tokat şəhərinə ziyarəti zamanı son vaxtlar istifadə etdiyi bir qida pəhrizindən istifadə etdiyini dilə gətirməsi maraqla qarşılanıb.
Modern.az-ın məlumatına görə, Ərdoğan bildirib ki, gecə yatmazdan öncə 1 kasa qatığa 3-5 dənə Mədinə xurması, 1 çay qaşığı şabalıd balı və bir az da əzilmiş yulafı qarışdıraraq yeyir.
Bununla da Türkiyə Prezidenti mətbuatın onun haqqında ətdən və şirin şeylərdən imtina etməsi və 10 kiloqram artıq çəkidən xilas olması barədə yazdığını dolayısı ilə təsdiqləyib.
Tanınmış həkim Səxavət Əlisoy Rəcəb Tayyib Ərdoğanın qida pəhrizini sağlamlıq üçün çox şəfalı hesab edir.
“Cənab Ərdoğan Rusiya-Ukrayna müharibəsi ilə bağlı yalnız mart ayında dünyanın 35 dövlətinin başçısı ilə görüşlər keçirib. Bu gərginlikdə Prezident Ərdoğanın intensiv iş rejimini üst səviyyədə saxlamaq üçün xüsusi pəhrizlərdən istifadə etməsi təqdirəlayiqdir.
Həkim olaraq, bu pəhrizdən hər kəsin yararlanmasını tövsiyə edərdim.
Hörmətli Rəcəb bəyin Azərbaycan üzərində haqqı böyükdür və bu səbəbdən də ona sağlıqlı ömür diləmək gərəkdir”.
Short URL: http://www.cumhuriyyet.net/?p=172398
