Fransanın keçmiş prezidenti Nikola Sarkozi həbs edildi
Fransanın keçmiş prezidenti Nikola Sarkozi Nanter şəhərində fransız polisi tərəfindən həbs edilib.
Musavat.com “Le Monde” qəzetinə istinadən xəbər verir ki, Sarkozi hazırda maliyyə polisinin müstəntiqləri tərəfindən sorğu-sual edilir.
Qəzetin yazıdğına əsasən, hüquq-mühafizə orqanları onun 2007-ci il prezident seçkiləri ilə bağlı kampaniyasına Liviyanın keçmiş lideri Muəmmər Qəzzafi tərəfindən dəstək verilməsi ilə bağlı məlumatları yoxlayır.
Xatırldadaq ki, Sarkoziyə qarşı cinayət işi ilk dəfə 2012-ci ildə açılıb. Bir müddət sonra kifayət qədər dəlillərin toplanması ilə bağlı olaraq təhqiqat dayandırılıb. Lakin 2017-ci ildə Fransa məhkəməsi Sarkoziyə qarşı yeni ittihamlar irəli sürüb və araşdırmanı bərpa edib.
Müstəntiqlər hazırda Sarkozinin 2-ci müddəti üçün namizədliyini irəli sürdüyü və Fransua Ollanda uduzduğu 2012-ci il seçki kampaaiyasını da yoxlamağa başlayıblar.
Short URL: http://www.cumhuriyyet.net/?p=115884
