Ərdoğan Türkiyəyə mane olmaq istəyənlərə xəbərdarlıq etdi
Türkiyə Aralıq, Egey və Qara dənizdə haqqı olanı alacaq.
Virtualaz.org yerli KİV-ə istinadən bildirir ki, bunu Türkiyə Prezidenti Rəcəb Tayyib Ərdoğan Malazgird zəfərinin 949-cu ildönümü ilə bağlı çıxışında deyib.
“Türkiyə artıq səbri sınanacaq bir ölkə deyil. Bunu hər kəs görəcək. Edərik deyiriksə, edərik. Egeydəki saxta hegemonluqları qəbiristanlıqda fit çalma psixologiyasının təzahüründən başqa bir şey deyil. Türkiyənin heç kəsin torpağında gözü yoxdur. Özümüzə aid olanı da heç vaxt güzəştə getməyəcəyik. Bunun üçün siyasi, iqtisadi, hərbi cəhətdən nə lazımdırsa, etməyə hazırıq. Biz bu torpaqların əsl sahibləriyik. Qarşı tərəfdəki həmkarlarımızı düzgün yola dəvət edirik. Məhv olmalarına yol açacaq səhvlərdən uzaq dursunlar”, – deyə Ərdoğan vurğulayıb.
Short URL: http://www.cumhuriyyet.net/?p=153100
