Gürcü nazir: Azərbaycan və Türkiyə bizə kömək edir

“Bu gün klinikalarda 7 min 400 xəstə var ki, onların əksəriyyəti, yəni təxminən 70%-i oksigendən asılıdır”.

Bunu Səhiyyə nazirinin müavini Tamar Qabunia Koordinasiya Şurasının iclasından sonra keçirilən brifinqdə bildirib.

Onun sözlərinə görə, həm İqtisadiyyat Nazirliyi, həm də Xarici İşlər Nazirliyi müxtəlif ölkələrdən oksigen tədarük etmək üçün klinikalarla fəal işləyir.

Nazir müavini eyni zamanda Azərbaycan və Türkiyənin bu istiqamətdə Gürcüstana kömək etdiyini bildirib.

“Bundan əlavə, bir neçə klinika bu istiqamətdə tamamilə müstəqil işləyir. Həmişə klinikaları xəbərdar edirik ki, oksigen aparatları açılmasın və boş yerə itməsin. Təəssüf ki, belə hallarla qarşılaşmışıq. Bu, əslində narahatverici vəziyyət deyil. Təkrarsığorta etmək üçün bir neçə mənbədən oksigen alırıq və bir mənbənin itirilməsi halında kəsir yaranmayacaq. Təbii ki, hər kəs bunun əhəmiyyətini başa düşür və klinikaların bu problemlə üzləşməməsi üçün qüvvələr mümkün qədər səfərbər olur. Oksigen tədarükünü təmin etmək üçün iş rejimi olduqca intenstivdir”, – deyə T.Qabunia qeyd edib