ABŞ Brüssel görüşünə münasibət bildirdi
ABŞ Azərbaycanla Ermənistanı diplomatik əlaqələri aktivləşdirməyə çağırır.
Cumhuriyyet.az xəbər verir ki, bunu ABŞ Dövlət Departamentinin mətbuat katibinin müavini Vedant Patel deyib.
ABŞ rəsmisi bu gün Azərbaycan və Ermənistan liderləri arasında Brüsseldə keçiriləcək görüşə də münasibət bildirib:
“Birləşmiş Ştatlar bu məsələdə irəliləyişə nail olmağa sadiqdir. Cənubi Qafqaz regionu üçün təhlükəsiz, sabit, demokratik, firavan və dinc gələcək arzu edirik. Biz Azərbaycan və Ermənistanı diplomatik əlaqələrini fəallaşdırmağa və hərtərəfli sülh sazişi əldə etməyə çağırırıq”.
Qeyd edək ki, bu gün Azərbaycan Prezidenti İlham Əliyev, Avropa İttifaqı Şurasının rəhbəri Şarl Mişel və Ermənistanın Baş naziri Nikol Paşinyan arasında görüş keçiriləcək.
Short URL: http://www.cumhuriyyet.net/?p=181181
