KTMT rəsmisi İrəvanın ümidlərini puç etdi: Hərbi gücdən söhbət gedə bilməz!

15.09.2022 - 12:46

Ermənistan və Azərbaycan sərhədində Kollektiv Təhlükəsizlik Müqaviləsi Təşkilatının (KTMT) hərbi qüvvələrinin tətbiqindən söhbət getmir, qurum münaqişənin sülh yolu ilə həllinə ümid edir.

Cumhuriyyet.az xəbər verir ki, bunu KTMT-nin birgə qərargahının rəhbəri Anatoli Sidorov bildirib.

“Gəlin özümüzdən qabağa getməyək. Sadəcə onu demək istəyirəm ki, sentyabrın 13-də dövlət başçılarımız yekdilliklə bəyan etdilər ki, bu gün Ermənistanla Azərbaycan arasında mövcud olan problem siyasi və diplomatik üsullarla həll edilməlidir”, – Sidorov jurnalistlərə bildirib.

“Nə sentyabrın 13-də, nə dünən, nə də bu gün və məncə, yaxın gələcəkdə KTMT-nin iştirakı ilə hərbi gücdən istifadədən söhbət gedə bilməz”, – o vurğulayıb.

Sidorov xatırladıb ki, tərəflər artıq atəşkəs barədə razılığa gəliblər.

“Ümid edirik ki, proseslər silah və güc tətbiq edilmədən sülh yolu ilə həllini davam etdirəcək”, – o əlavə edib.

Xatırladaq ki, sentyabrın 13-də Ermənistan-Azərbaycan sərhədində gərginlik artandan sonra rəsmi İrəvan KTMT-yə müraciət edərək kömək istəmişdi.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=181963

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2023
BE ÇA Ç CA C Ş B
 12345
6789101112
13141516171819
20212223242526
2728