Ərdoğan Praqada Paşinyana bu mesajları VERƏCƏK

04.10.2022 - 12:20

Türkiyə prezidenti Rəcəb Tayyib Ərdoğan Praqaya yola düşür. Ərdoğan Avropa Siyasi Birliyi liderlərinin oktyabrın 6-7-də Çexiyanın paytaxtı Praqada görüşəcək sammitində iştirak edəcək.

Cumhuriyyet.az “Sabah” qəzetinə istinadən xəbər verir ki, Türkiyə lideri sammitdə qeyri-qanuni miqrasiya, enerji böhranı və terrorla mübarizə ilə bağlı fikirlərini çatdıracaq. Toplantıda Rusiya-Ukrayna müharibəsinin də geniş müzakirə olunacağı bildirilir.

Prezident Ərdoğan Praqada Ermənistanın baş naziri Paşinyanla da görüşəcək.

Prezident Ərdoğanın Paşinyana bəzi mesajlar verəcəyi gözlənilir ki, xüsusi nümayəndələr arasında danışıqlar üçüncü ölkələrdə deyil, Türkiyə və Ermənistanda növbə ilə aparılmalıdır, regionda gərginliyin daha da artmaması üçün təxribatlara yol verilməməlidir və yekun sülh əldə olunmalı, Azərbaycanla müqavilə imzalanmalıdır.

Ərdoğan Paşinyana II Qarabağ müharibəsinə son qoyan 10 noyabr razılaşmasında nəzərdə tutulan “Zəngəzur dəhlizi”nin ən qısa zamanda fəaliyyətə başlamasının vacibliyi barədə də mesaj verəcək.

Prezident Ərdoğanın digər liderlə də ikitərəfli görüşləri nəzərdə tutulub.

Avropa Siyasi Birliyinin liderləri oktyabrın 6-7-də Çexiyanın paytaxtı Praqada görüşəcək.

Sammitdə Avropa İttifaqının 27 üzvü ilə yanaşı, 17 ölkə də dəvət olunub. Dəvət məktublarını Avropa İttifaqı (Aİ) Şurasının prezidenti Şarl Mişel və Çexiyanın Baş naziri, Aİ-nin müddətli prezidenti Petr Fiala imzalayıblar.

Azərbaycan, Türkiyə, Albaniya, Ermənistan, Bosniya və Herseqovina, Gürcüstan, İslandiya, Kosovo, Lixtenşteyn, Moldova, Monteneqro, Şimali Makedoniya, Norveç, Serbiya, İsveçrə, Ukrayna və İngiltərə sammitə dəvət alıb.

Avropa Siyasi Birliyinin sammitini keçirmək ideyası Fransa prezidenti Emmanuel Makron tərəfindən irəli sürülüb.

İdeya siyasi dialoqu və əməkdaşlığı gücləndirməklə ümumi maraqları həll etmək, bununla da Avropada təhlükəsizliyi, sabitliyi və rifahı artırmaq məqsəd daşıyır.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=183189

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2023
BE ÇA Ç CA C Ş B
 12345
6789101112
13141516171819
20212223242526
2728