Hakan Fidan Bakıdan bu görüşə yollanacaq
05.07.2023 - 16:00
Türkiyə, İsveç və Finlandiya xarici işlər nazirləri cümə axşamı NATO sammiti ərəfəsində Brüsseldə görüşəcəklər.
Cumhuriyyet.net xəbər verir ki, bunu Finlandiyanın xarici işlər naziri Elina Valtonen bildirib.
“NATO-nun Baş katibi Yens Stoltenberqin dəvəti ilə Türkiyə, İsveç və Finlandiya xarici işlər nazirlərinin sabah Brüsseldə keçiriləcək görüşündə iştirak edəcəyəm. Türkiyənin xarici işlər naziri cənab Hakan Fidana ilk telefon danışığına görə təşəkkür edirəm”, – o bildirib.
Nazir bu görüşün üçtərəfli memorandum çərçivəsində keçirilib-keçirilməyəcəyini dəqiqləşdirməyib.
Qeyd edək ki, iyulun 11-12-də Vilnüsdə NATO-nun sammiti keçiriləcək.
Short URL: http://www.cumhuriyyet.net/?p=192936
