Qüdrət Həsənquliyevdən çağırış: “Azərbaycan 4 kəndi güc tətbiq etməklə azad etməlidir”.

15.01.2024 - 11:06

“Paşinyan da Ter-Petrosyan, Köçəryan, Sarkisyan kimi işğalçı müharibə aparmış hərbi canidir. 44 günlük savaşda hər iki tərəfdən itirilən 8 minə qədər insanın həyatına görə Paşinyan məsuliyyət daşıyır”.

“AzPolitika.info” xəbər verir ki, bunları Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev sülh sazişi ilə əlaqədar Azərbaycan Prezidentinin son çıxışına Baş nazir Paşinyanın münasibətini şərh edərkən deyib. Partiya sədri “elchi.az” saytına bu barədə danışıb.

Q.Həsənquliyev qeyd edib ki, geosiyasi reallıqlar imkan versəydi, Azərbaycan Ordusu İrəvana qədər irəliləyib, erməni faşizminə son qoymalı, müharibə canilərini tutub ədalət mühakiməsi qarşısına çıxarılmalıydı. “1945-ci ildə müttəfiqlər tərəfindən alman faşizmi məhv edildiyi kimi, Ermənistanda da erməni faşizmi məhv edilməli, yeni, qonşulara qarşı ərazi iddiası ilə çıxış etməyən, sülhpərvər hakimiyyət formalaşdırılmalı idi. Çox təəssüf ki, dünyanın acı reallıqları buna imkan vermədi və vermir. Bizim seçki platformamızda da öz əksini tapıb ki, Naxçıvana maneəsiz gediş-gəliş təmin edilməyənə qədər Ermənistanla sərhədlər açılmamalıdır. Qısa zamanda sülh danışıqlarında nəticə olmasa, Azərbaycan Qazax rayonunun Ermənistanla sərhəddə yerləşən, 1990-cı ildə işğal olunmuş və bu gün də işğal altında qalan, anklav olmayan 4 kəndini güc tətbiq etməklə azad etməlidir”.

Partiya sədrinin fikrincə, Ermənistan absurd təkliflərlə sülh danışıqlarını Rusiyanın Ukaraynada məğlub olacağı günə qədər uzatmaq istəyir. “Ən azından həmin müharibənin sonunu gözləyir. Düşünürlər ki, Rusiyanın məğlubiyyəti hakimiyyət dəyişikliyinə yol açacaq və bu zaman yeni qərbyönümlü Rusiya hakimiyyəti Qərbin tapşırığı ilə 1-ci Qarabağ savaşında Qarbaçov və Yeltsinin timsalında olduğu kimi onların işğal siyasətini dəstəkləyəcək. Ona görə Azərbaycan öz sözünü deməli, qısa bir zamanda işğaldan azad olunmuş və yaşayış üçün yararlı şəhər və kəndlərə qaçqın və məcburi köçkünləri yerləşdirməlidir. Azərbaycanın digər bölgələrindən olan insanlara imkan yaradılmalıdır ki, gedib həmin ərazilərdə torpaq alıb, Azərbaycanın bu dilbər guşəsində özlərinə ev tiksinlər. Ağdam 150-200 min nəfərlik paytaxt şəhəri kimi tikilməli idi. Bu, Bakının yüklənməsinin qarşısını alar, Qarabağın inkişafına töhfə verərdi”.

“Sonda onu demək istəyirəm ki, Paşinyanın bu çıxışından sonra Azərbaycan sülh danışıqlarının şərtlərinə müharibə canilərinin cəzalandırılması və Ermənistanın təzminat ödəməsi məsələsini də daxil etməlidir”, – Q.Həsənquliyev fikrini yekunlaşdırıb.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=197606

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2024
BE ÇA Ç CA C Ş B
 1234
567891011
12131415161718
19202122232425
26272829