Elman Rüstəmovun xalqı aldatmağa mənəvi haqqı çatmır – deputatdan ittiham

Millət vəkili Fazil Mustafa bu gün Milli Məclisdə keçirilən səsvermə ilə bağlı fikirlərini açıqlayıb. Deputat yeganə olaraq yalnız onun Elman Rüstəmovun Milli Bankın İdarə Heyətinin üzvlüyünə seçilməsinin əleyhinə səs verdiyini bildirib: “Bu gün Milli Məclisdə Milli Bankın İdarə Heyətinin üzvlüyünə Elman Rüstəmovun yenidən seçilməsinin əleyhinə təkcə mən səs verdim. Arqumentim bu idi ki, Elman Rüstəmov kifayət qədər savadlı və təcrübəli kadrdır, ola bilsin ki, bu iqtidar üçün də xüsusi dəyəri olan kadr sayılır, ancaq heç bir yüksək çinli dövlət məmurunun xalqı aldatmağa mənəvi haqqı çatmır. Manatın devalvasiyası məsələsində mövqeyi haqlı olaraq insanlarımızda əsəb gərginliyinə səbəb olmuşdu”. (strateq.az)

Short URL: http://www.cumhuriyyet.net/?p=21149