Başçı Vurğun Əyyuba görə icra nümayəndəsini danladı
30 saylı Suraxanı Birinci Seçki Dairəsindən deputatlığa namizəd Vurğun Əyyubun tərəfdarlarına Hövsan qəsəbəsində təzyiqlər olması barədə məlumatlar yayıldıqdan sonra vəziyyət ADR təmsilçisinin xeyrinə dəyişib.
Belə ki, Suraxanı rayon icra başçısı İlqar Abbasov Vurğun Əyyubun adamlarının toplaşdığı çayxanaların bağlanacağı barədə xəbərdarlıq etdiyinə görə Hövsən qəsəbə nümayəndəsi Ağasəlim Əliyevi danlayıb.
Bu barədə məlumatı cebhe.info-ya ADR İdarə Heyətinin üzvü Rövşən Dəmirli verib: “Bizdə olan məlumata görə, başçı icra nümayəndəsini onun adından istifadə etdiyinə görə danlayıb və belə işlərə son qoymasını tələb edib. Həmin vaxtdan etibaran tərəfdarlarımıza qarşı təzyiqlər dayanıb. Halbuki bir neçə gün əvvəl Hövsan qəsəbə nümayəndəsi Ağasəlim Əliyev Vurğun Əyyubun tərəfdarlarının toplaşdığı çayxanaya gedərək, obyektin sahibinə tapşırıq verib, Suraxanı rayon icra başçısı adından tapşırmışdı ki, bu adamlar çayxanaya buraxılacaqları təqdirdə obyekt bağlanacaq”.
Short URL: http://www.cumhuriyyet.net/?p=34137
