İvanişvili üzə çıxdı: “İrandan qaz alacağıq”

Gürcüstan böyük ehtimalla İrandan qaz alacaq.

Axar.az xəbər verir ki, bunu Gürcüstan mətbuatına açıqlamasında gürcü milyarderi Bidzina İvanişvili söyləyib.

Onun sözlərinə görə, Tiflisin İranla güclü əlaqələr qurması çox vacibdir:

“Təxminən iki həftə əvvəl mənim ABŞ səfiri ilə görüşüm oldu. Biz hökumətin digər nümayəndələri ilə bütün iqtisadiyyat sahələrində aktiv çalışırıq. Mən heç nəyi idarə etmirəm, amma iqtisadiyyatla bağlı olan şeylərdə aktiv iştirak edirəm. İran, Çin və Rusiya bizə çox lazımdır. İran qazının Gürcüstana daxil olması çox maraqlı mənzərə yaradacaq. Çox güman ki, bu danışıqlar baş tutacaq. Mən Tehranla danışıqlarda biznesmen kimi iştirak edirəm”.

Qeyd edək ki, bir müddət öncə Gürcüstanın Energetika naziri İrandan qaz alışı ilə bağlı danışıqlara başlayacaqlarını bildirmişdi. Prosesin arxasında keçmiş baş nazir İvanişvilinin durduğu barədə fikirlər səsləndirilir. İddiaya görə, faktiki olaraq Gürcüstanın iqtisadi siyasətini İvanişvili idarə edir.

Short URL: http://www.cumhuriyyet.net/?p=38657