“Aztelekom”un rəhbəri YAP-dakı vəzifəsindən çıxdı – Öz ərizəsi ilə
“Aztelekom”un iki gün əvvəl həbs edilən baş direktoru Məhəmməd Məmmədov YAP-dakı vəzifəsindən çıxarılıb.
Cümhuriyyət.az partiyanın saytına istinadən bildirir ki, Yeni Azərbaycan Partiyası Mərkəzi Nəzarət – Təftiş Komissiyasının sədri olmuş Məhəmməd Məmmədov sözügedən yoxlamaların və istintaqın başlaması ilə əlaqədar YAP strukturlarında tutduğu vəzifədən azad olunmaq barədə ərizə ilə müraciət edib. Hazırda o, Mərkəzi Nəzarət – Təftiş Komissiyasının sədri vəzifəsini daşımır.
“Qafqazinfo” xatırladır ki, Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsi tərəfindən Azərbaycan Respublikası Rabitə və Yüksək Texnologiyalar Nazirliyi sistemində həyata keçirilən yoxlamalar nəticəsində nazirliyin «Aztelekom» İstehsalat Birliyinin baş direktoru Məhəmməd Məmmədovun barəsində həbs-qətlimkan tədbiri seçilib.
Onun partiyadan xaric olunacağı da istisna deyil.
Short URL: http://www.cumhuriyyet.net/?p=39817
