Davudoğludan namaz sonrası Qarabağ açıqlaması
04.12.2015 - 14:40
Türkiyənin baş naziri: “Arzu edirəm ki, növbəti illərdə cümələrimizi Qarabağda qılaq”
Hazırda ölkəmizdə səfərdə olan Türkiyənin baş naziri Əhməd Davudoğlu “Hacı Əjdərbəy”(Göy Məscid) məscidində cümə namazı qılıb. Qardaş ölkənin baş naziri məsciddə çıxış edib. O, yeni hökumətin baş naziri kimi ilk səfərini Azərbaycana etdiyini bildirib: “Artıq biz də adətə çevrilib. Dövlət rəhbərliyi olaraq, ilk səfərlərimizi Azərbaycana edirik. Arzu edirəm ki, növbəti illərdə cümələrimizi Qarabağda qılaq. Daim birlikdə olaq”.
Məsciddə namaz qılanlar Türkiyənin baş nazirini alqışlayıblar. Davudoğlu ilə birlikdə Qafqaz Müsəlmanları İdarəsinin rəhbəri Hacı Allahşükür Paşazadə də cümə namazı qılıb.
Short URL: http://www.cumhuriyyet.net/?p=43012
